Një ngjarje tragjike ka ndodhur në Itali, ku një avion i vogël është rrëzuar mbi një autostradë, duke shkaktuar viktima. Sipas raportimeve paraprake nga mediat italiane, aksidenti ajror ndodhi në një zonë të banuar dhe dyshohet për disa të vdekur, përfshirë edhe pilotin.
Avioni, i cili ishte në një fluturim privat, për arsye ende të panjohura humbi kontrollin dhe përfundoi mbi një nga akset kryesore rrugore, duke shkaktuar panik dhe bllokim të trafikut.
Autoritetet italiane ndodhen në vendngjarje dhe po hetojnë shkaqet e rrëzimit. Ndërkohë, ekipet e emergjencës po punojnë për të siguruar zonën dhe për të dhënë ndihmën e parë të mbijetuarve, nëse ka të tillë.
Pritet që në orët në vijim të jepen detaje të tjera rreth kësaj tragjedie ajrore.
