Në shenjë nderimi dhe respekti për Forcat e Armatosura të Republikës së Maqedonisë së Veriut, kandidati për kryetar të Komunës së Karposhit nga VMRO-DPMNE, Sotir Lukrovski, përkujtoi me emocion Ditën e Armatës, 18 gushtin, duke ndarë një mesazh personal dhe reflektues me qytetarët.
“Dita e Armatës më rikujtoi kohët e bukura të shërbimit tim në radhët e saj, një periudhë që do të mbetet gjithmonë pjesë e shpirtit dhe identitetit tim,” tha Lukrovski. Ai kujtoi me mallin e njeriut që ka pasur nderin të jetë pjesë e një strukture që mbrojti dhe ruajti sovranitetin dhe integritetin e vendit tonë.
“Gjatë atyre viteve, pata mundësinë të njihem me njerëz të mrekullueshëm, kolegë që me dinjitet dhe guxim përballonin sfidat e kohës. Në kohë të paqarta dhe të pasigurta, gjithmonë besonim në një të nesërme më të mirë për vendin tonë të dashur, Maqedoninë,” shtoi kandidati i VMRO-së.
Lukrovski theksoi rëndësinë e Forcave të Armatosura si gur themeli i stabilitetit dhe sigurisë kombëtare, duke përkujtuar rolin e tyre të pazëvendësueshëm në mbrojtjen e paqes dhe rendit në vend.
Në mesazhin e tij për Ditën e Armatës, ai i bëri thirrje edhe qytetarëve të Komunës së Karposhit që të ruajnë vlerat e bashkëpunimit dhe solidaritetit, që janë thelbësore për të ndërtuar një komunitet të sigurt dhe të qëndrueshëm.
“Duke kujtuar të kaluarën, ne shohim rrugën që duhet të ndjekim për të ardhmen. Përkushtimi im si kandidat është që me punë dhe përkushtim të sjell zhvillim dhe siguri për Komunën tonë, duke u përpjekur të krijojmë kushte më të mira për familjet, të rinjtë dhe të gjithë qytetarët,” theksoi Lukrovski.
Në përmbyllje të mesazhit, ai uroi të gjithë pjesëtarët e Forcave të Armatosura dhe familjarët e tyre me rastin e Ditës së Armatës, duke theksuar:
“Neka kjo ditë të jetë përkujtim dhe motiv për të gjithë ne që ta çmojmë lirinë, paqen dhe unitetin e Maqedonisë sonë. Gëzuar Dita e Armatës!”
