Sot u realizua asfaltimi i rrugës në “Dizhon 17”, duke përmbyllur me sukses fazën përfundimtare të një projekti të rëndësishëm infrastrukturore për Komunën e Çairit.
Ky investim, i mbështetur nga Qeveria e Republikës së Maqedonisë së Veriut, përfshiu ndërtimin e 180 metrave kanalizim fekal të ri dhe përgatitjen për vendosjen e rrjetit të ujësjellësit, që do të garantojë furnizim të sigurt dhe të qëndrueshëm me ujë të pijshëm për 35 amvisëri të kësaj zone.
Punimet janë realizuar në përputhje me të gjitha standardet teknike dhe afatet e planifikuara, duke reflektuar përkushtimin tim të vazhdueshëm për modernizimin e infrastrukturës publike dhe përmirësimin e kushteve të jetesës për çdo qytetar të Çairit.
