Avokati Umejr Muhamedi ka reaguar kohët e fundit lidhur me mënyrën se si disa persona po promovojnë aktivitetet e tyre qytetare në rrjetet sociale. Ai thekson se qëllimi kryesor i aktivizmit qytetar është ngritja e vetëdijes dhe përmirësimi i komunitetit, dhe jo kërkimi i vëmendjes apo mbledhja e “like”-ve.
Si shembull, Muhamedi përmendi iniciativën “Mos u bëj plehra”, me të cilën janë realizuar rreth 1000 aksione pastrimi në gjithë territorin e Maqedonisë. Ai vuri në dukje rastin e Stefan Lazarov, i cili, sipas tij, një ditë doli të pastrojë, por tashmë një javë të tërë publikon foto në rrjetet sociale sikur ka bërë diçka të jashtëzakonshme.
“Qëllimi i vërtetë i aktivizmit qytetar është ngritja e vetëdijes së qytetarëve dhe përmirësimi i hapësirave publike, jo mbledhja e vëmendjes personale në rrjetet sociale”, tha Muhamedi, duke apeluar që secili të angazhohet për komunitetin pa kërkuar shpërblime apo lavdërime.