Presidenti i SHBA-së, Donald Trump, ka deklaruar se takimi i tij me presidentin rus, Vladimir Putin, që do të zhvillohet në Alaska, ka rreth 25% shanse për të dështuar. Në një intervistë për Brian Kilmeade në Fox Radio, Trump e cilësoi këtë samit si një hap përgatitor për një takim të mundshëm me presidentin ukrainas, Volodymyr Zelensky, me synimin për të arritur një marrëveshje që do t’i jepte fund konfliktit njëvjeçar në Ukrainë.
Trump tha gjithashtu se, nëse bisedimet nuk shkojnë mirë, ai mund të zgjedhë të mbajë një konferencë shtypi të veçantë në vend të asaj të përbashkët me Putinin. “Do të mbaj një konferencë për shtyp. Nuk e di nëse do të jetë e përbashkët. Mendoj se do të ishte mirë të ishte e përbashkët e më pas të ndaheshim”, theksoi ai.
Nga ana tjetër, sekretarja e shtypit e Shtëpisë së Bardhë, Karoline Leavitt, konfirmoi se plani zyrtar është që të mbahet një konferencë e përbashkët për shtyp, gjë që u njoftua fillimisht edhe nga Kremlini.
Trump nënvizoi se, pavarësisht rezultatit, do të flasë me median pas takimit. “Ose takimi nuk përfundon mirë, unë thjesht do të mbaj një konferencë për shtyp dhe do të nisem. Do të kthehem në Uashington”, tha ai.
