Policia amerikane ishte telefonuar duke pretenduar se një person ishte bllokuar në ujin e rrëmbyeshëm të një kanali që çoi ekipet e emergjencës në Kaliforni, të cilët në fund zbuluan se bëhet fjalë për një kukull.
Policia dhe zjarrfikësit në Fresno u alarmuan dhe ia mësynë kanalit McKinley, pas raportimeve se një person po luftonte për jetë në ujë apo që edhe mund të ketë vdekur, por kur u futën në ujë mësuan se ishte një kukull.
Nga distanca dukej sikur dikush ishte bllokuar në grilë nga uji i rrëmbyeshëm, por në fakt ishte kukull e fryrë me madhësi të një njeriu.
Një rast i ngjashëm kishte ndodhur vitin e kaluar në Zelandën e Re, ku policia ishte telefonuar pasi një grua që po shëtiste qenin në plazh në Tapueae vuri re atë që dukej si trup pa kokë i një gruaje të nxjerrë nga dallgët e detit në rërë.
Policia mbërriti në vendngjarje dhe zbuloi se kufoma e dukshme ishte në të vërtetë një lodër realiste për të rritur.
