Gratë japoneze vijojnë të mbajnë rekordin botëror për jetëgjatësinë më të lartë, duke kryesuar listën për të 40-tin vit me radhë. Sipas të dhënave të publikuara nga Ministria e Shëndetësisë në Japoni, në vitin 2024, jetëgjatësia mesatare për gratë ishte 87.13 vjet. Megjithëse shifra shënoi një rënie të lehtë prej 0.01 vitesh krahasuar me një vit më parë, Japonia mbetet në krye të renditjes globale.
Në të njëjtin raport, burrat japonezë kanë një jetëgjatësi mesatare prej 81.09 vjet, duke e mbajtur të pandryshuar këtë nivel nga viti 2023.
Ata renditen në vendin e gjashtë në botë, pas Suedisë, Zvicrës, Norvegjisë dhe disa vendeve të tjera evropiane. Ekspertët thonë se faktorët që ndikojnë në jetëgjatësinë e lartë në Japoni lidhen me stilin e shëndetshëm të jetesës, dietën tradicionale, sistemin efikas shëndetësor dhe një kulturë që vlerëson aktivitetin fizik dhe ekuilibrin mendor.
