Sot në Koçan do të mbahet marshimi i tetëmbëdhjeti “Marshi i engjëjve”, në përkujtim të pikërisht pesë muajve nga tragjedia ku humbën jetën 62 të rinj, ndërsa mbi 200 u lënduan fizikisht dhe psikologjikisht.
Marshi do të fillojë në orën 18:05, një kohë që simbolizon reagimin e vonuar dhe fatal institucional të autoriteteve përgjegjëse.
Qytetarët dhe familjarët e të ndjerëve do të mblidhen për të nderuar jetët e humbura dhe për të dërguar mesazh se nuk do të dorëzohen derisa të fitojnë drejtësi për fëmijët e tyre.
