Sot moti do të jetë i ndryshueshëm me vranësira, me kushte për reshje të dobëta shiu dhe bore në pjesët më perëndimore të vendit, ku do të fryjë erë e lehtë nga drejtime të ndryshueshme. Në pjesët lindore do të fryjë erë e lehtë deri mesatare nga veriperëndimi.
Temperaturat minimale do të lëvizin nga -6 deri në -1°C, ndërsa maksimalja do të arrijë deri në 9°C.
Në Shkup, mot kryesisht me vranësira dhe erë e lehtë nga drejtime të ndryshueshme.
Gjatë dy ditëve të ardhshme moti do të jetë i ndryshueshëm me vranësira dhe periudha me diell. Reshje të reja shiu, ndërsa në male bore, priten nga dita e enjte.
