Neto-paga e paguar mesatare në maj të këtij viti ishte 45 796 denarë, që është 11 për qind më shumë në krahasim me muajin e njëjtë të vitit të kaluar, kumtoi Enti Shtetëror për Statistikë (ESHS).
Siç informon ESHS, rritja e këtillë i referohet, para së gjithash, rritjes së neto-pagës së paguar mesatare mujore për të punësuar në sektorët: Veprimtari financiare dhe veprimtari të sigurimit për 23.9%, Tregti me shumicë dhe tregti me pakicë; riparim të automjeteve motorizuese dhe motoçikletave për 15.1% dhe Arsim për 14.4%.
Rritje e neto-pagës së paguar mesatare mujore për të punësuar në raport me muajin e kaluar, është vërejtur në sektorët: Veprimtari financiare dhe veprimtari të sigurimeve për 13.5 %, Tregti me shumicë dhe tregti me pakicë; riparim të automjeteve motorizuese dhe motoçikletave për 5.4% dhe xehtari dhe nxjerrje e gurëve për 5.1%.
Bruto-paga mesatare, ndërkaq, për të punësuar në maj 2025 ishte 68 859 denarë.
