Ministri i Energjitikës dhe Infrastrukturës, Enea Karakaçi ka deklaruar sot në një konferencë shtypi, në mënyrë të prerë, se qeveria nuk do të lejojë në asnjë mënyrë bllokimin e vënies në punë të aeroportit të Vlorës prej mosmarrëveshjeve dhe sherreve mes ortakëve të shoqërisë private që kanë firmosur për ndërtimin e këtij aeroporti të rëndësishëm për Shqipërinë.
Ministri theksoi se nuk do të lejohet kjo gjëndje e sotme në aeroportin e Vlorës, duke paralajmeruar marrjen e hapave ligjorë ndaj atyre që po shkelin kontratën e firmosur. Ministri në ato çfarë deklaroi ishte i qartë dhe i vendosur: Nuk ka më hezitim ndaj tyre!
Në statusin e tij ai shkruan: Aeroporti Ndërkombëtar i #Vlorës, projekti më i rëndësishëm i dekadës së fundit në Shqipëri. Askush nuk mund të mbajë peng një infrastrukturë kombëtare.