Kandidati i koalicionit VLEN për komunën e Çairit, Izet Mexhiti, ka
prezantuar moton zyrtare për zgjedhjet lokale: “Vetëm për TY Çair”.
Mexhiti ka theksuar se kjo moto nuk është vetëm një slogan zgjedhor, por
një përkushtim i sinqertë që përfaqëson vizionin dhe punën e tij të
ardhshme si kryetar i komunës.
Ai kujtoi se Çairi ka dhënë gjithmonë shumë për vlerat shoqërore,
politike, arsimore e kulturore të shqiptarëve në Maqedoninë e Veriut dhe
më gjerë.
“Do ta japim krejt qenien tonë, krejt dijen tonë, krejt përvojën dhe
potencialin tonë në funksion vetëm për Çairin dhe qytetarët e tij,” – ka
thënë Mexhiti.
Ndryshe, motivi për moton e fushatës vjen nga kënga “Vetëm për ty” e rok
bendit Telex.
