Qeveria e Hristijan Mickoskit ka ndaluar politikat e LSDM-së për rritjen e vazhdueshme të pagave dhe e ka sjellë standardin e jetesës së qytetarëve në pikën e mbijetesës. Ndërsa pagat janë në stanjacion, çmimet janë në rritje marramendëse, standardi i jetesës së qytetarëve është në rënie të vazhdueshme. Paga mesatare në Maqedoni sot është vetëm rreth 35% e pagës mesatare evropiane, ose një e treta, tha sot zëdhënësja e LSDM-së, Bogdanka Kuzeska.
Ajo thotë se “çmimet në Maqedoni janë të larta, duke arritur në 60% të çmimit mesatar evropian. Kjo do të thotë që qytetarët në treg, market, në dyqan, paguajnë çmime pothuajse evropiane dhe duhet të jetojnë me paga tre herë më të ulëta.
“Shporta sindikale në gusht arriti në 65.507 denarë. Dy punonjës me pagë minimale në një familje nuk kanë para të mjaftueshme për të mbuluar shpenzimet bazë mujore. Paga minimale në Maqedoni është ndër më të ulëtat në Evropë dhe rajon. Në Bosnjë dhe Hercegovinë, paga minimale është 511 euro, në Serbi 500 euro, në Mal të Zi nga 600 në 800 euro. Në Maqedoni, me qeverinë e Mickoskit, paga minimale mbahet në fund, megjithëse duhet të kishte arritur 500 euro shumë kohë më parë. Në vend të kësaj, punëtorët marrin vetëm thërrime, bukë dhe kripë”, tha Kuzeska.
