Kryeministri izraelit, Benjamin Netanyahu, ka thënë të martën se Izraeli “ende nuk e ka përfunduar punën” në Gazë, pas takimit me presidentin e SHBA-së, Donald Trump në Shtëpinë e Bardhë.
Netanyahu ka folur për angazhimin e tij për të liruar të gjitha pengjet izraelit si dhe për të eliminuar dhe shkatërruar aftësitë ushtarake dhe qeverisëse të Hamasit, raporton AP.
“Gaza duhet të ketë një të ardhme të ndryshme, për hir tonin, për hir të të gjithëve”, ka thënë ai.
Vizita e Netanyahut në Shtëpinë e Bardhë, e treta e tij këtë vit, kishte kryetemë luftën e Izraelit kundër Hamasit në Gazë dhe pyetjet se sa shumë do të nxisë Trumpi për t’i dhënë fund konfliktit.
Por në një paraqitje para gazetarëve, të dy udhëheqësit shprehën optimizëm se suksesi i tyre në Iran do të shënonte një epokë të re në Lindjen e Mesme.
Duke lavdëruar bashkëpunimin e Trumpit, Netanyahu ka shtuar se “koordinimi midis një presidenti amerikan dhe një kryeministri izraelit ka qenë i pakrahasueshëm”.
Zyra e Netanyahut ka thënë në një deklaratë se të dy udhëheqësit do të takohen përsëri të martën.
