Ivo Sanader, ish-lider i HDZ-së dhe ish-kryeministër i Kroacisë, u lirua nga burgu para se të përfundojë dënimi i tij. Sanader u lirua me kusht nga burgu Lipovica pasi ka kryer dy të tretat e dënimit, raportuan mediat kroate.
Siç shpjegoi avokati Dragan Crnković, janë plotësuar të gjitha kushtet ligjore për lirimin e ish-kryeministrit. Ai tha se përveç moshës së tij, një nga arsyet e përmendura në kërkesën për lirimin është gjendja e tij shëndetësore, por këto nuk janë arsyet kryesore. Ai theksoi gjithashtu faktin që Sanader ka respektuar nenin 59 të Kodit Penal. Avokati nënvizon se më 15 gusht 2023, ai ka kryer gjysmën e dënimit.
Sanader do të ketë detyrimin të raportojë në polici çdo muaj dhe nuk do t’i lejohet të ndryshojë vendbanimin ose vendndodhjen e tij të përkohshme.
