Ill Rustemi nga Forumi Rinor i VLEN-it në Saraj ka reaguar ashpër për gjendjen në fshatin Arnaqia e Epërme, duke e cilësuar këtë si “turpin më të madh të politikës lokale”.
Rustemi thekson se banorëve iu premtuan gjashtë projekte elementare, por asnjë nuk është realizuar.
“Premtimet nuk ishin madhështore, por gjërat më bazike të jetës së përditshme: ujë, kanalizim, rrugë, rrymë. Nga 6 premtime – 0 realizime! Zero!”, shprehet ai.
Ai akuzon parti BDI-në dhe kandidatët e koalicionit, se e kanë lënë fshatin në mjerim, pavarësisht se Arnaqia e Epërme gjithmonë ka dhënë përfaqësues në nivele lokale.
“Ky është fyerje për çdo banor të Arnaqis së Epërme. Ky është përbuzje ndaj besimit të qytetarëve. Banorët nuk harrojnë dhe nuk mashtrohen dy herë. 19 tetori do të jetë dita e gjykimit!”, deklaron Rustemi.
Në fund ai shton: “Mjaft më! Është koha që mashtruesit të dëbohen njëherë e mirë! U shpreha vetëm si banor i këtij fshati.”