Pas një viti në një nga funksionet kyçe të administratës shtetërore, Hasim Murtezani ka ndarë një mesazh falënderues dhe reflektues me rastin e përvjetorit të tij si Zëvendës Sekretar i Përgjithshëm i Qeverisë së Maqedonisë së Veriut.
Në postimin e tij, ai vlerëson përvojën si të pasur me sfida dhe vendime të rëndësishme, gjithnjë në funksion të përmirësimit të punës institucionale dhe shërbimit ndaj qytetarëve.
“Ky vit ka qenë sfidues, por edhe i mbushur me përvoja të vlefshme, vendime të rëndësishme dhe punë të pandalshme në shërbim të qytetarëve,” shkruan Murtezani.
Ai gjithashtu shpreh mirënjohje për besimin dhe mbështetjen nga kolegët, qytetarët dhe ekipi me të cilin punon çdo ditë në Sekretariatin e Përgjithshëm.
Përmes një qasjeje të përqendruar në transparencë, efikasitet dhe integritet, Murtezani synon të kontribuojë më tej në forcimin e qeverisjes së mirë dhe institucioneve funksionale.
