Në prag të zgjedhjeve lokale të tetorit 2025, Bashkimi Demokratik për Integrim ka vendosur të garojë në Kërçovë me kandidaturën e Fatmir Deharit, aktualisht kryetar komune.
Ai mbetet i vetmi kandidat i BDI-së që vjen nga krahu i luftës së vitit 2001, duke simbolizuar vazhdimësinë e misionit politik të Ali Ahmetit.
Kërçova shihet si një ndër komunat kyçe për BDI-në, por njëkohësisht edhe si një test i rëndësishëm për liderin e partisë. Në këtë qytet shqiptarët dalin me disa kandidatura, gjë që e rrit peshën e unitetit dhe të koalicionit të Aleancës Kombëtare për Integrim (AKI).
Për Ali Ahmetin, mbështetja e fuqishme për Deharin nuk është vetëm çështje fitoreje lokale, por edhe mesazh politik kombëtar.
Rezultati i Kërçovës do të jetë tregues i fuqisë reale të BDI-së në terren.
