Sot, në hapësirat e Qendrës për Menaxhim me Kriza (QMK), drejtori Muhamed Ali priti anëtarët e Asociacionit të Atasheve të Mbrojtjes të akredituar në Republikën e Maqedonisë së Veriut, si dhe përfaqësues të Ministrisë së Mbrojtjes dhe të Armatës.
Gjatë takimit, drejtori Ali prezantoi funksionimin, kompetencat dhe rolin e QMK-së në kuadër të sistemit kombëtar të menaxhimit të krizave, duke vënë theks të veçantë në rëndësinë e koordinimit institucional, komunikimit në kohë dhe bashkëpunimit të ngushtë ndërinstitucional dhe ndërkombëtar.
Ai theksoi se përballja me sfidat bashkëkohore të sigurisë kërkon qasje të përbashkët dhe shkëmbim të vazhdueshëm të përvojave dhe praktikave më të mira.
“Vetëm përmes partneritetit dhe bashkëpunimit të sinqertë mund të ndërtojmë mekanizma më efikasë për parandalim dhe reagim ndaj çdo situate që cenon sigurinë e qytetarëve dhe të shtetit”, u shpreh drejtori i QMK-së, Muhamed Ali.
Takimi u vlerësua si një hap i rëndësishëm drejt forcimit të bashkëpunimit ndërkombëtar dhe rritjes së kapaciteteve për menaxhimin e krizave në vend.
https://www.facebook.com/share/p/1AAfj445B9/
