Rregulli i Badenterit në momente të caktuara vë në pikëpyetje funksionalitetin e shtetit, tha sot lideri i Lëvizjes ZNAM, Maksim Dimitrievski.
Deklarata e Dimitrievskit vjen pasi Ministri i Drejtësisë Igor Filkov tha se shumica e Badenterit po keqpërdoret dhe se mund të jetë koha për rishikimin e saj.
“Deklarata e Ministrit Filkov i referohet ekskluzivisht funksionalitetit të rregullit të Badenterit. Për ne si subjekt politik, Marrëveshja Kornizë është një vepër e përfunduar, e shfuqizuar dhe është përmbushur dhe zbatuar plotësisht. Por fakti është se në momente të caktuara rregulli i Badenterit vë në pikëpyetje funksionalitetin e shtetit dhe për këtë do të kemi konfirmim pas përfundimit të zgjedhjeve lokale”, tha Dimitrievski.
Ai nënvizoi se partia mbështet Marrëveshjen Kornizë të Ohrit, mirëpo Badenteri si mekanizëm po keqpërdoret.
