Pas një pune të pandërprerë dhe me intensitet të lartë, ekipet e NPK “Sharri” kanë përfunduar me sukses sanimin e defektit në linjën e vjetër F400. Falë përkushtimit të punëtorëve, furnizimi me ujë në qytet është rikthyer në gjendjen e mëparshme, duke arritur sërish kapacitetin prej 400 litrave në sekondë.
U kërkojmë falje qytetarëve për pengesat e shkaktuara gjatë ndërprerjes së ujit dhe ju falënderojmë për mirëkuptimin e treguar gjatë kësaj kohe. Një falënderim i veçantë shkon për punëtorët tanë, të cilët, pavarësisht temperaturave të larta dhe kushteve të vështira, dhanë maksimumin për ta zgjidhur problemin në kohë rekord.
Dëshirojmë të theksojmë se arsyeja e publikimit të njoftimeve dhe informacioneve gjatë gjithë procesit ishte që t’i mbajmë qytetarët të informuar në kohë reale për situatën dhe zhvillimet në terren.
NPK “Sharri” mbetet e përkushtuar për një shërbim sa më cilësor dhe transparent për të gjithë qytetarët e Tetovës.
