Kandidati për kryetar të komunës së Haraçinës nga koalicioni VLEN, Daut Beqiri, zhvilloi sot një takim të hapur me qytetarët, duke dëgjuar nga afër shqetësimet, nevojat dhe idetë e tyre për zhvillimin e komunës.
Gjatë bashkëbisedimit, Beqiri u fokusua tek prioritetet kryesore që shqetësojnë banorët, përfshirë rrugët, infrastrukturën lokale, ujësjellësin dhe shërbimet publike, si dhe nevojën për një qasje transparente dhe bashkëpunuese të qeverisjes lokale.
“Është një ndjenjë e veçantë të jem pranë qytetarëve tanë dhe të dëgjoj drejtpërdrejt nga ata se çfarë presin nga ne. Mbështetja e tyre për ne është e padiskutueshme dhe na jep forcë për të punuar çdo ditë më shumë. Për një Haraçinë më të mirë, më të bashkuar dhe më të fortë!” u shpreh Beqiri.
