Kreu i Aleancës për Shqiptarët, Arben Taravari, ka konfirmuar se po zhvillohen negociata me BDI-në për ndarjen e komunave në zgjedhjet lokale të tetorit, duke hapur rrugën për bashkëpunim të mundshëm me “Frontin Europian”.
Taravari tha se ende nuk ka marrëveshje definitive, por ka diskutime për bashkëpunim në komuna si Gostivar, Vrapçisht, Tearcë, Saraj dhe Studeniçan.
“Ideja është që ku kemi ne kandidat mos të ketë BDI, ose ku ka BDI mos të kemi ne. Të ketë përkrahje të ndërsjellë”, sqaroi Taravari.
Ai gjithashtu theksoi se Aleanca nuk po bashkohet me BDI-në si parti, por për interesa të momentit dhe tha se anëtarësia është konsultuar për këtë vendim atipik.
