Struktura partiake në Komunën e Zhelinës, në prani të Shefit të Shtabit Qendror, Faton Ahmeti, ka emëruar Abdliazis Azizin si Shef të Shtabit Lokal për zgjedhjet e 19 tetorit.
Lajmin e ka bërë publik përmes një postimi kandidati për kryetar të komunës së Zhelinës, Emir Sulejmani, i cili theksoi se ky është një hap i rëndësishëm në rrugëtimin drejt fitores.
Sipas Sulejmanit, Abdliazis Azizi është një personalitet i njohur për përkushtimin e tij dhe vendosmërinë për t’i shërbyer komunitetit. “Ai është njeri me besim të madh në vizionin tonë për Zhelinën e nesërme. Angazhimi i tij, përvoja dhe energjia që sjell në ekip janë garanci se shtabi ynë lokal do të funksionojë me organizim, përgjegjësi dhe frymë fitoreje,” deklaroi Sulejmani.
Prania e Shefit të Shtabit Qendror, Faton Ahmeti, dhe mbështetja e strukturës partiake, sipas Sulejmanit, i jep këtij vendimi një peshë edhe më të madhe politike. “Ky akt dëshmon se jemi një trup i bashkuar që ecën me bindje drejt fitores,” u shpreh ai.
Emërimi i Shefit të Shtabit Lokal konsiderohet si hap strategjik në konsolidimin e strukturave zgjedhore në komunë. Ky zhvillim tregon se ekipi i Emir Sulejmanit po hyn në fazën e re të fushatës me organizim më të madh dhe me energji të re, duke përgatitur terrenin për zgjedhjet vendore të 19 tetorit.
Me këtë emërim, fushata në Zhelinë hyn në një stad më të organizuar, ku ekipi lokal dhe ai qendror po punojnë në një linjë të përbashkët. Mbështetësit e Sulejmanit e kanë cilësuar këtë vendim si një garanci shtesë se gara e 19 tetorit do të zhvillohet me seriozitet dhe me synimin për fitore.
