Banorët e komunës së Karposhit çdo ditë po marrin pjesë në numër të madh në aktivitetin e quajtur “stendat e ideve”, ku qytetarët kanë mundësi të japin propozimet e tyre për projekte konkrete që lidhen me lagjen ku jetojnë apo për komunën në përgjithësi.
Kandidati për kryetar të Karposhit nga VMRO, Sotir Lukrovski, në një postim të tij theksoi se interesi i qytetarëve është i madh dhe se banorët po shfaqin dëshirë të qartë për ndryshime pozitive.
“Sonte ishim në Karposh 4. Shumë energji dhe dëshirë për ndryshime, për një Karposh më të mirë dhe më të bukur,” – u shpreh Lukrovski.
Ai shtoi se takimet e përditshme me qytetarët janë tregues i një komunikimi të hapur dhe i një vizioni të përbashkët për zhvillimin e Karposhit.
