Zgjedhjet lokale në Tetovë po marrin formë, me përballje të forta në horizont. Bilall Kasami, kryetari aktual i komunës, ka zyrtarizuar rikandidimin për një mandat të dytë nën siglën e koalicionit VLEN.
Në kampin e Frontit Europian, burime të afërta bëjnë të ditur se Bajram Rexhepi, nënkryetar i BDI-së, do të garojë për kryetar të Komunës së Tetovës, ndërsa Ilir Demiri nga Aleanca për Shqiptarët – krahu i Ziadin Selës – pritet të jetë bartës i listës për këshilltarë komunalë.
Zyrtarizimi i tyre pritet në ditët në vijim, ndërsa Tetova shihet si një nga garat më të ashpra mes Frontit Europian dhe opozitës shqiptare të bashkuar në VLEN.
