Federata Zvicerane e Futbollit (SFV) ka shtuar ndjeshëm përpjekjet për të bindur mesfushorin e ri të talentuar, Leon Avdullahu, që të zgjedhë Zvicrën në nivel përfaqësues
Sipas Sport.ch, një delegacion i lartë i SFV-së, i përbërë nga presidenti Peter Knabel, përzgjedhësi Murat Jakin dhe ndihmësi i tij Davide Kalla, ka udhëtuar kohët e fundit në Gjermani për ta vizituar Avdullahun në klubin e tij të ri, Hofenhajm. Kjo vizitë bëhet në një kohë kur edhe Kosova po e kërkon intensivisht 21-vjeçarin. Presidenti i FFK-së, Agim Ademi, ishte takuar personalisht me Avdullahun në fund të qershorit në Bazel, ndërsa një përfaqësues i Kosovës ishte i pranishëm edhe në seancën e parë stërvitore të tij me Hofenheajmin.
SFV-ja ka reaguar me shpejtësi ndaj ofensivës së Kosovës. Knabel, që ka marrë detyrën e presidentit, më 1 gusht, e ka shpallur “çështjen Avdullahu” si përparësi të lartë. Ai synon të përdorë edhe kontaktet e tij në Hofenhajm për të ndikuar në vendimin e lojtarit.
Sipas burimeve të “Blick”-ut, Avdullahu gjendet në listën paraprake të Zvicrës për ndeshjet kualifikuese të Kupës së Botës kundër Kosovës dhe Sllovenisë. Ai mund të debutojë me Zvicrën ndaj vendit që po e kërkon po ashtu me ngulm. Ekspertët e futbollit tashmë e shohin Avdullahun si partner të mundshëm të Ardon Jasharit në mesfushë – pasardhës të dysheve të suksesshme Xhaka/Frojler./Indeksonline/
